Էկոտուրին ընդառաջ, մարտի 23-ին Հարավային դպրոցի և Արևելյան դպրոցի 4-5-րդ դասարանցիները համատեղ կարշավեն դեպի Արագածոտնի մարզ, Ամբերդ գետի ստորին հոսանքում գտնվող Ոսկեհատ գյուղ:
Ծրագրում՝
- Ամբերդ գետի ստորին հոսանքի մաքրման աշխատանքներ Ոսկեհատի Խրիմյան Հայրիկի անվան միջնակարգ դպրոցի 11-րդ դասարանի սովորողների հետ /Կիմա Ստեփանյանի դասարան/:
- Ամբերդ գետից քայլարշավ դեպի Ոսկեվազ գյուղում գտնվող ջերմոց: «Ուսումնական ջերմոց» նախագծի համակարգող՝ Շուշան Ալեքսանյան
- Քայլարշավ Ոսկեվազ գյուղում՝ քարայրներ
Նախագծի նպատակը՝ ծանոթանալ Ամբերդ գետի հետ, վեր հանել առկա էկոլոգիական խնդիրները, կատարել բնապահպանական աշխատանքներ և ծանոթանալ բնակավայրում առկա պատմամշակութային կոթողների հետ: Սովորողների մեջ արթնացել բնության հանդեպ սերն ու հարգանքը և կարևորել էկոլոգիական հավասարակշռության պահպանումը: Կարևորել միասնական և համագործակցային աշխատանքների էությունն ու վերջիններիս արդյունքները:
Նախագծի խնդիրները՝ առկա բնապապանական հիմնախնդիրների վեր հանումից հետո տալ այդ խնդիրների հնարավոր լուծումները, ապա փորձել գործնականում կիրառել խնդիրների լուծման ուղիները:
Անհրաժեշտ իրեր
- Ջուր-ջրաման, արշավային բրդուճներ
- Սպորտային հագուստ-կոշիկ
- Մեկանգամյա օգտագործման տոպրակներ, ձեռնոցներ
- Կողմնացույց
- Ուսապարկ
Ոսկեհատ — Գյուղը հիմնադրվել է 1829-1830 թվականներին։ Ըստ ավանդույթի՝ Ոսկեհատ գյուղի նախկին Փաթրինջ անվանումն առաջացել է գյուղի տարածքում հանդիպող Փաթրինջ ծաղկի անունից։
Ոսկեվազ — Գյուղը հիմնադրվել է 1828 թվականին։ Գյուղի նախկին անունն է եղել Ղզլթամուր։ Ախթամուր գյուղը առնելուց և ավերելուց հետո, Լենկ Թեմուրը շարժվում է հարևան գյուղի վրա։ Սրա բնակիչները սարսափած հանձնվում են։ Լենկ Թեմուրը ներում է նրանց և չի կոտորում։ Ի նշան երախտագիտության՝ փրկված գյուղացիները նրան Ղզլթամուր՝ ոսկի Թամուր են անվանում։ Դրանից հետո գյուղի անունը դնում են Ղզլաթամուր:
Նախնական աշխատանքներ՝
Սարգիս Ղազարյան
Հասմիկ Պողոսյան 