Հոկտեմբերի 21-ին մեկնարկեց բյուրական-ուսումնահայրենագիտական ճամբարը։
Այս անգամ Սեբաստացի ճամբարականները ուղևորվեցին դեպի Արագածոտնի մարզ: Առաջին կանգառը Աշտարակի ջրաղացում էր, որտեղ նախաճաշեցինք, շրջեցինք, հիացանք Քասախի կիրճով և իր ծառաշատ ու կանաչապատ տարածքով, հետո ճանապարհ ընկանք դեպի Բյուրական:
Ինչպիսի~ տեսարան, ինչպիսի~ տերևաթափ, իսկական Բյուրականյան երփներանգ աշուն: Մի լա~վ խաղացինք ու ուրախացանք խշխշան տերևների աշխարհում, իսկ հետո գնացինք ճաշելու: Դե մեզ` սովածներիս, բարի ափորժակ:
Ճաշից հետո զբոսնեցինք, ուսումնասիրեցինք տարածքը և նկարեցինք Բյուրականյան աշունը մեր իսկ աչքերով:
Գիշերային այցը Բյուրականի Աստղադիտարան, ուղղակի հրաշք էր, աստղային ու լուսնային: Դա տեսնել է պետք:
Հաջորդ օրը` առավոտյան վերկացին, Սեբաստացի ճամբարականներս հարդարեցինք մեր մահճակալները, լվացվեցինք և պատրաստվեզինք նախավարժանքին:
Նախավարժանքից հետո, նախաճաշեցինք և օրը անցկացրեցինք Անտառուտի բլուրներին: 4 կմ քայլարշավը և ալոճամասրային բերքահավահաքը հաճելիորեն նպաստեց օրվա հագեցած լինելուն:
Երրորդ օրը այցելեցինք Անտառուտի միջնակարգ դպրոցը, որտեղ ծանոթացանք դպրոցի սաների և աշխատակազմի հետ: Ծանոթացանք, գրքեր նվիրեցինք և սիրով հրավիրեցին մեր կրթահամալիր: Այդ ընթացքում Սեբաստացիները հարցազրույց վերցրեցին և Ռադիո վարեցին սովորողներից և աշխատակազմի անդամներից:
Հրաժեշտ տվեցինք մեր նոր ընկերներին և ուղևորվեցինք դեպի Բյուրական գյուղի սուրբ Հովհաննես եկեղեցի, այնուհետև եղանք Տեղերում և Ձորափում գտնվող Արշակունի արքաների դամբարանադաշտում: