Մասնակիցներ՝ Հարավային դպրոցի 4-րդ դասարանցիներ
Վայրը՝ Արարատի մարզ, Ղուկասավան գյուղ
Օր՝ փետրվարի 25
Ժամ՝ 12:30-15:30
Նպատակ՝ ճամփորդական կանոնների պահպանում ու կիրառում, խմբային ու համագործակցային հմտությունների զարգացում, սովորողների մոտ հայրենագիտական և բնագիտական տեսական և գործնական գիտելիքների զարգացում:
Անհրաժեշտ պարագաներ՝
- Թվային միջոցներ` ֆոտոխցիկ, տեսախցիկ, ձայնագրիչ
- Ուսապարկ
- Օրապահիկ, 1լ ջուր
Ճամփորդական երթուղի՝ Արգավանդի խաչմերուկ-Արգավանդ-Գեղանիստ-Գետափնյա-Ղուկասավան
Պատմություն՝
Գյուղը հիմնադրվել է 1831 թվականին։ Գյուղում բնակություն են հաստատել Սասունից և Սալմաստից եկած հայերը։ Նախկինում ունեցել է Կալալը, Կալալի, Քյոլարա, Քյալարա անվանումները։ Ղուկասավան է վերանվանվել 1949 թվականին։ Անվանումը պայմանավորված է հեղափոխական գործիչ Ղուկաս Ղուկասյանի անվան հետ, որը ծնունդով այս գյուղից է եղել։ Գյուղը տեղադրված է Արարատյան դաշտում, Հրազդան գետի հովտում։ Ծովի մակարդակից գտնվում է 845 մ բարձրության վրա։
Աղբյուր՝ Վիքիպեդիա
Համագործակցային-ճամփորդական նախագծի ընթացքում կունենանք այցելություն Հարավային դպրոցի 4-րդ դասարանի սովորող Համբարչյան Մարիի բնակավայր, որտեղ Մարիի պապիկը մեզ կպատմի ջերմատան կուլտուրաների, դրանց խնամքի մասին և ընդհանուր ջերմատների մասին: Նախագծի նպատակն է մեր կրթական միջավայրում նույնպես ունենալ ջերմոց-ջերմատուն, որի նախնական տվյալներին և մշակած նախագծին կարող եք ծանոթանալ բնագիտության դասավանդող՝ Շուշան Ալեքսանյանի բլոգում՝ Ուսումնական ջերմատուն նախագիծ: